« 1 af 3 »

Súðavíkurskóla var slitið föstudaginn 1.júní sl. Að þessu sinni útskrifuðust fimm nemendur úr 10.bekk og ætla allir að halda áfram í framhaldsskóla næsta haust. Við kveðjum þá með söknuði en óskum þeim velfarnaðar í framtíðinni. Þá útskrifuðust þrír nemendur úr leikskólanum en þeir hafa verið í 0.bekk í vetur í 11 tímum á viku. Þeir eru því velkunnugir grunnskólanum og vita að hverju þeir ganga. Næsta skólaár eigum við von á fjórum nemendum í 0.bekk. Starfsmenn Súðavíkurskóla óskar öllum nemendum gleðilegs sumars og hlakka til að fá þá hressa og káta í haust. Njótið vel!

« 1 af 3 »

Á loka dögum þessa skólaárs vorum við búin að ákveða að búa til kartöflugarða fyrir nemendur og fjölskyldur þeirra. Allir nemendur og starfsmenn skólans tóku þátt og búnir voru til 25 litlir garðar inn á Melum. Hver garður er merktur nafni/nöfnum nemenda og starfsmanna, þannig að ekki fer á milli mála hver á hvaða garð. Það þurfti að stinga upp, reita órækt í burtu, sem og stórum steinum. Síðan var hægt að setja niður kartöflur og rófur og bera áburð yfir allt saman. Þetta tókst ótrúlega vel, þar sem allir hjálpuðust að og voru glaðir og sáttir við dagsverkið sitt. Í sumar ætlar hver fjölskylda að sjá um sinn garð og spennandi verður að sjá uppskeruna í haust. 

« 1 af 3 »

Lokatónleikar nemenda í tónlistardeild Súðavíkurskóla, voru haldnir þriðjudaginn 22.maí sl. Aldrei hafa fleiri nemendur stundað tónlistarnám við skólann. Í leik- og grunnskóla voru 40 nemendur í vetur og þar af voru 24 nemendur sem stunduðu tónlistarnám, einkatíma í píanó, gítar, fiðlu og söng. Þetta eru yfir 60% af nemendum þannig að við erum ákaflega ánægð þessa stöðu. Vonum að fleiri sjái sér fært að stunda tónlistarnám næsta vetur. Þetta er að sjálfsögðu fyrir utan alla tónmenntatíma og söngstundir sem allir taka þátt í.

Jóhanna Rúnarsdóttir og Hannah Boswell eru þær sem stýra tónlistarnámi nemenda sem og öllum uppákomum á vegum tónlistardeildarinnar. Til hamingju nemendur og starfsmenn þetta var frábær tónlistarvetur í vetur.