« 1 af 10 »

Dagana 21.-23.sept sl var haldið Foreldrafærninámskeið í aðferðum Uppeldis til ábyrgðar eða uppbygging sjálfsaga. Súðavíkurskóli hefur Uppeldi til ábyrgðar sem skólastefnu sem miðar að því að ýta undir ábyrgðarkennd og sjálfsstjórnun barna og unglinga og þjálfa þau í að ræða um tilfinningar og átta sig á þörfum sínum. Vinnuaðferðunum er einnig ætlað að styðja starfsmenn skóla og foreldra við að móta sér skýra stefnu varðandi samskipti og agamál. Allir feður voru boðaðir fimmtudagskvöldið 21.sept sl og allar mæður mættu á föstudagskvöldinu. Síðan mættu allir foreldrar á laugardagmorguninn en boðið var upp á gæslu leikskólabarna á meðan, þannig að allir kæmust.

Foreldrar Súðavíkurskóla unnu heilmikla vinnu og sameinuðust um fjögur lífsgildi sem þeir vildu að allir hefðu í heiðri. Lífsgildin fjögur eru: Virðing, Sköpun, Kærleikur og Samkennd. Kennarar á námskeiðinu voru Anna Lind Ragnarsdóttir og Jóna Benediktsdóttir. Ég vil þakka Jónu og öllum foreldrum og starfsmönnum skólans fyrir frábært námskeið.

« 1 af 4 »

Í dag, 6. september, skunduðum við upp í skólaskóg í blíðskaparveðri. Í þetta sinn plöntuðum við 134 trjáplöntum í sívaxandi Skólaskóginn. Þó berjaþúfurnar hafi alls staðar freistað tókst okkur þetta á 40 mínútum, rétt í tæka tíð fyrir hádegismatinn sem að þessu sinni var grísagúllas að hætti kokksins. Allir voru sammála um að þetta hafi verið góður dagur.

« 1 af 10 »

Nú þegar styttist í Bláberjadaga í Súðavík, sem hefjast á föstudaginn n.k. koma margir tónlistarmenn til Súðavíkur. Við í Súðavíkurskóla erum svo heppin að hafa hann Eggert tónlistarmann innan okkar raða, en hann sem er aðalbláberið á hátíðinni, kemur oft með einhverja tónlistarmenn í heimsókn til okkar og við fáum sér tónleika í skólanum. Að þessu sinni var það Luke frá Main sem spilaði fyrir okkur og allir hæstánægðir með flutninginn, takk fyrir okkur:)