Laugardaginn 9.mars sl var árshátíð Súðavíkurskóla haldin í Samkomuhúsinu. Að þessu sinni var sýnt leikritið "Ævintýraskógurinn" eftir Ásthildi Cesil, sem var útfært fyrir okkar skóla. Nemendur fóru á kostum og allt tókst frábærlega vel. Ég óska nemendum og starfsmönnum skólans til hamingju með þetta frábæra verk. Þá var boðið upp á kaffihlaðborð inn í skóla að árshátíð lokinni. Þar voru borð að svigna undan hnallþórum og öðru góðgæti sem foreldrar höfðu snarað fram af sinni einskærri snilld. Kærar þakkir foreldrar góðir fyrir ykkar framlag, þetta var alveg frábært í alla staði.

Hinu árlega Lífshlaupi lauk 20.febrúar sl. Súðavíkurskóli tók aðsjálfsögðu þátt og urðu nemendur í öðru sæti yfir skóla sem eru með 5 - 50 nemendur. Nemendur tóku þessu afar alvarlega og lögðu sig virkilega fram til að ná verðlauna sæti. Óskum þeim innilega til hamingju með þennan frábæra árangur.

Þá tóku starfsmenn skólans einnig þátt og gerðu sér lítið fyrir og urðu í öðru sæti í flokknum "fjöldi starfsmanna 9-29 sem er frábær árangur og eiga allir skilið mikið hrós fyrir.

Ég óska nemendum og starfsmönnum Súðavíkurskóla innilega til hamingju með þennan frábæra árangur og eru silfur verðlaunaplattarnir komnir upp á vegg, frábært hjá ykkur.

skólastjóri

Nemendum í leikskólanum fannst gott að komast út og drullumalla því loksins farið að þýða.