Þá er hinni árlegu vinaviku lokið að þessu sinni var sameiginlegt þemaverkefni að búa til blóm, kyssa á það með varalit og setja upp á vegg. Hver einstaklingur gerir sitt barmmerki sem hann afhendir sínum leynivini síðasta daginn. Þá hafa allir verið duglegir að gleðja sinn leynivin á hverjum degi með ýmsum gjöfum. Þessir dagar eru alltaf miklir gleðidagar og tókust afar vel. Til hamingju öll:)

Í dag 22.mars er síðasti kennsludagur fyrir páskafrí. Skólahald hefst aftur þriðjudaginn 2.apríl n.k. samkvæmt stundatöflu. Ég óska öllum nemendum, starfsmönnum, foreldrum og öðrum þorpsbúum gleðilegra páska og vona að allir hafi það sem best yfir hátíðina.

Hin frábæra tónlistarhátíð "Nótan" var haldin laugardaginn 16.mars sl í tónlistarskóla Ísafjarðarbæjar. Þar voru nemendur frá sex tónlistarskólum af Vestfjörðum og Vesturlandi sem tóku þátt og komu frá Akranesi, Bolungarvík, Borgarbyggð, Ísafirði, Stykkishólmi og Súðavík. Atriði frá Ísafirði vann að þessu sinni og óskum við þeim innilega til hamingju. Nemendum frá Súðavíkurskóla óska ég innilega til hamingju með frábæran árangur á Nótunni, þið þorðuð - gátuð - og vilduð og það þarf kjark til að keppa við þá bestu. Þá þakka ég tónlistarkennurum mínum innilega fyrir allt sem þeir lögðu á sig til þess að gera þetta að veruleika fyrir nemendurna. Eggert Nielson og Jóhanna Rúnarsdóttir án ykkar hefði þetta aldrei orðið að veruleika, kærar þakkir og til hamingju með krakkana okkar.