Föstudaginn 19. n.k. verður hið árlega kennaraþing Vestfjarða haldið að Holti og hefst kl.11:00. Kennarar Súðavíkurskóla fara á þetta þing kl. 10:30 og verður því breyting á hefðbundinni kennslu þann daginn með því að nemendur verða í lestíma og síðan heimanámi undir stjórn skólastjóra fram að hádegi.

Kveðja  Skólastjóri

Föstudaginn 26. n.k. verður starfsdagur í Súðavíkurskóla. Þá munu allir starfsmenn skólans fara suður og skoða skóla í Reykjanesbæ sem hafa innleitt Uppbyggingarstefnuna. Það er von okkar að geta lært af þeim sem lengra eru komnir með innleiðingu þessarar stefnu.

Skólastjóri

Föstudaginn 30. maí n.k. mæta nemendur í skólann kl.9:00, þá verður farið upp í hlíðina fyrir ofan nýja þorpið og gróðursettar tæpar 200 plöntur. Allir nemendur og starfsmenn skólans eiga eitt tré sem merkt er með nafnspjaldi, það tré er mælt og skráð í trébók skólans en einnig er hreinsað frá plöntum. Að þessu loknu er farið í skólann og grillaðar pylsur og farið í leiki.
Skólaslit Súðavíkurskóla verða haldin á sal skólans og hefjast kl.17:00 allir hjartanlega velkomnir.

Skólastjóri