Föstudaginn 16.okt. sl komu nemendur úr 1.-7.bekk frá Suðureyri, Flateyri og Þingeyri til okkar í Súðavíkurskóla og þar héldum við ,,Litlu íþróttahátíðina,, sem hefur verið samstarfsverkefni milli þessa skóla í mörg ár. Um 90 nemendum var skipt niður í hópa sem tóku síðan þátt í hinum ýmsu stöðvum, vítt og breytt um skólann og út á skólalóð. Meðal þess sem nemendur tóku þátt í var, myndlistarverkefni, keðjusöng, stöðvavinna í íþróttum, ratleik, frjálsum leik og línudansi. Í lokin tóku allir nemendur og starfsmenn  að syngja keðjusönginn, dansa línudansinn og taka nokkra leiki áður en boðið var upp á hádegisverð. Þetta tókst vonum framar og ekki annað að sjá og heyra en að allir hafi haft gaman af. Við þökkum nemendum og starfsmönnum þessa skóla, kærlega fyrir komuna og hlökkum til næstu hátíðar á næsta ári. 

Í september unnu allir nemendur skólans að þemaverkefni um hafið. Afrakstur verkefnisins var að hluta til settur upp sem sýning í Álftaveri. Vonandi hafa flestir séð verk nemenda en þetta var stórglæsilegt hjá þeim. Nú hafa verið settar inn fullt af myndum af sýningunni sem og verkum sem enn prýða leikskólann. Til hamingju nemendur með frábært verkefni og sýningu.

Mánudaginn 7.sept sl, kusu nemendur Súðavíkurskóla nemendur í nemendafélagið sitt. Kosningar fóru fram á sal, eftir að frambjóðendur voru búnir að flytja sínar ræður. Niðurstöður kosninganna urðu eftirfarandi:

Formaður: Ragnar Berg Eiríksson

Varaform:  Matthías Harold Scott

Gjaldkeri:  Hinrik Smári Jónsson

Ritari     :  Ivana Yordanova Yordanova

Meðstj   :  Flóki Hrafn Harðarson

Varam    :  Gabríel Bjarkar Eiríksson

Við þökkum nemendum kærlega fyrir þátttökuna og óskum nýrri stjórn innilega til hamingju og von um gott gengi.