Veðurspár eru ekki hagstæðar fyrir næsta sólarhringinn - það gæti orðið hvínandi bylur í dag og á morgun. Skólinn verður opinn í fyrramálið (7:45), en foreldranna er að meta hvort fært sé að senda börnin í skólann, verði öskrandi bylur.
Við viljum alls ekki að teflt sé í neina tvísýnu. Gangi okkur vel.

Nú styttist önnin óðfluga og starfsemin dregst smám saman saman í aðdraganda jólanna. Sundferðirnar renna sitt skeið til enda í næstu viku og síðasti dagur hjá mötuneytinu er þriðjudagurinn 16. desember. Prófin hefjast í næstu viku, n.t.t. þann 8. desember og verða lögð fyrir í tímunum skv. stundaskránni. Síðust kennsludagarnir skv. skólaalmanakinu eru mánudagur 15. og þriðjudagurinn 16. des. Þá sinnum við jólaföndri og undirbúningi fyrir jólagrín og litlu-jól, ásamt og með prófunum og öðrum venjubundnum verkefnum. Starfsdagur verður miðvikudaginn 17. foreldraviðtöl fimmtudaginn 18. og litlu jól 19. des.   Próftaflan er hér.

Miðvikudaginn 22. október skall á verkfall tónlistarkennara. VIð vonum auðvitað að það vari stutt og valdi ekki mikilli truflun á námi þeirra mörgu barna sem stunda tónlistarnám. Það er vísast einsdæmi það háa hlutfall nemenda í Súðavíkurskóla sem er í tónlistarnámi ... og ein okkar stærsta skrautfjöður.