Í dag 28. september tóku allir í Súðavíkurskóla þátt í norræna skólahlaupinu. Ýmist var gengið eða hlaupið og boðið var upp á 2km, 5km og 10km. Þá hjálpuðu elstu nemendur við að keyra nemendum leikskólans í kerrum þ.e. þeir sem þurftu á því að halda. Hlaupið tókst vel í alla staði.

Skólastjóri

Í morgun var kosið í nemendaráð Súðavíkurskóla, þeir sem gáfu kost á sér í embætti fluttu framboðsræður. En það eru einungis nemendur úr unglingadeildinni sem sitja í nemendaráði en allir nemendur skólans taka þátt í kosningunni. Að þessu sinni var Egill Bjarni Helgason kosinn formaður, Þórir Garibaldi Halldórsson varaformaður, Sigurgeir Garðarsson gjaldkeri, Elmar Atli Garðarsson ritari, Grétar Birgir Kristánsson og Fjóla Þórisdóttir meðstjórnendur. Við óskum öllum til hamingju með kosninguna og með von um gott gengi í vetur.

Fimm nemendur úr leikskólanum sem eru 5 ára byrjuðu í kennslu í grunnskólanum, mánudaginn 6. sept sl. Þetta eru vaskir nemar sem voru löngu farin að telja dagana þar til "skóli" hæfist. Á myndinni má sjá nemendurna ásamt Dagbjörtu kennara þeirra.