Í morgun fóru 10 nemendur úr 7.-10.bekk ásamt Jónu og Önnu Lind upp á Bardaga. Ferðin tók 3 tíma í allt og gekk ljómandi vel. Aðrir nemendur skólans og kennarar fóru í göngu um þorpið og enduðu í Raggagarði við mikla ánægju. Á morgun verður síðan farið fyrir ofan þorpið og gróðursettar 150 plöntur að því loknu verða leikir á skólalóðinni og grill á eftir. Það er síðan á miðvikudaginn 2. júní klukkan 16:00 sem skólaslit verða á sal skólans, allir velkomnir.

Ekkert lát er á dugnaði nemenda Súðavíkurskóla. Í dag 26. maí fóru allir nemendur skólans ásamt starfsfólki inn að Valagili í Álftafirði. Veðrið var yndislegt og gekk ferðin eins og í góðri sögu.

Í gær 25. maí hjóluðu nokkrir nemendur úr 7.-10.bekk frá Súðavík og inn í Reykjanes. Lagt var af stað klukkan 06:00 og komið í nesið milli klukkan 16:00 - 17:00. Þær Anna Lind og Jóna Ben hjóluðu með þeim til skiptis. Ferðin gekk frábærlega vel í alla staði og sýndu nemendur mikið afrek í verki. Aðrir nemendur skólans og starfsmenn fóru með rútu inn í Reykjanes klukkan 10:00. Veðrið var eins og best verður á kosið og áttu allir yndislegan dag saman.