Nú er tónlistarhátíðinni Nótan lokið. Nokkrir nemendur okkar úr tónlsitardeildinni tóku þátt og gekk ljómandi vel.

Eggert og Jóhanna tónlistarkennarar okkar fóru með krökkunum í Borgarnes ásamt nokkrum foreldrum. Allir skemmtu sér vel og gekk ferðin vel. Innilegar hamingju óskir með frábæran árangur:)

Nú stendur yfir vinavika í skólanum. Allir nemendur og starfsmenn draga nafn úr potti og það verður leynivinurinn þess sem dregur. Það þarf að gleðja leynivin sinn á hverjum degi t.d.með fallegu korti, ljóði, sögu eða smá gjöf.Að sjálfsögðu má ekki gefa upp hver leynivinurinn er þannig að það er mikið pukrast með að senda leynivini sínum:)  Allir gera sér barmmerki þar sem á stendur eitthvað fallegt og bera það þessa vikuna. Þá gera allir fallegt hjörtu með fallegum boðskap og hengja upp á tréð okkar góða. En leilknum lýkur á morgun og þá byrjar skólastjórinn á því að kalla upp sinn leynivin og gefur honum sitt barmmerki og síðan kallar sá á sinn leynivin og svo koll af kolli. Þessir dagar hafa alltaf gengið mjög vel, gott og hollt fyrir alla að huga að vináttu.

Föstudaginn 21.febrúar n.k. verður þorrablót Súðavíkurskóla  haldin í íþróttahúsinu klukkan 17:00

Bekkjarfulltrúar og aðrir foreldrar hafa staðið í ströngu við undirbúning blótsins, en allir nemendur leik- og grunnskóla ætla að sýna okkur hin ýmsu skemmtiatriði. Vonandi sjá sem flestir sér fært að mæta, allir hjartanlega velkomnir.