Enginn innkaupalisti verður gerður fyrir nemendur í Súðavíkurskóla fyrir komandi skólaár. Súðavíkurskóli greiðir fyrir öll hefðbundin námsgögn nemenda, nema skólatöskur og pennaveski. Vonandi verða allir hæst ánægðir með þetta fyrirkomulag sem er komið til að vera.

Nú styttist í skólaslit Súðavíkurskóla. En áður en það gerist verður farið í sundferð inn í Reykjanes fimmtudaginn 26.maí n.k. Nemendur mæta í skólann á venjulegum tíma og taka með sér sundföt og létt nesti. Hádegismatur verður á staðnum. Föstudagurinn 27.maí er fyrirhuguð útivist en miðað við veðurspá þá erum við með plan B hérna innandyra.  Mánudaginn 30.maí er starfsdagur kennara og frí hjá nemendum. Þriðjudaginn 31.maí eru foreldraviðtöl nánari tímasetning verðu send heim með hverjum nemanda. 

Skólaslit Súðavíkurskóla verða miðvikudaginn 1.júní á sal skólans klukkan 16:00 og eru allir hjartanlega velkomnir.

Í síðustu viku var haldin vinavika, þar sem hver og einn nemandi og starfsmenn hafa dregið nafn vinar úr hatti. Þennan vin gleður viðkomandi með ýmsum hætti t.d. með kortum, myndum og ýmsum öðrum gjöfum. Á fyrsta degi þessarar viku útbúa allir sér barmmerki með fallegum skilaboðum um vináttu og síðasta dag vinavikunnar er ljóstrað upp um hver er vinur hvers og viðkomandi gefur sitt barmmerki. Þessi siður hefur verið haldinn í mörg ár og alltaf jafn skemmtilegur og aldrei of oft kveðið ,, að koma vel fram við hvert annað,,.